Busiris (Isocrates)

Vide etiam paginam discretivam: Busiris (discretiva).

Busiris (Graece Βούσιρις)^[1] est libellus bellatorius in epistolae formam redactus et a rhetore Isocrate inter 390 et 385 a.C.n. contra alium rhetorem Polycraten scriptus. Qui gloriari dicebatur quod Busiridis, saevi Aegyptiorum regis, laudem et Socratis accusationem^[2] scripsisset. Etenim tum sophistae paradoxicas laudationes adfectabant, sive pessimarum personarum sive rerum contemnendarum. Isocrates tam prave compositam esse Busiridis laudem existimabat ut orationem rescripserit ut collegae ostenderet quomodo aliquem laudare conveniret. Magis enim accusasse quam defendisse Busiridem videbatur (Isocrates autem Aegyptiorum instituta et artes illi regi tribuebat ita ut in summa Aegyptios ipsos laudaret). Porro poetarum erga eum maledicta (hospites Iovi immolare narrabatur) facile refelli posse demonstrat quoniam multa saecula post Busiridem vixisse Herculem per genealogias constat^[3] qui apud mythographos eum interfecisse dicitur. Ipse enim a talibus nugis abhorrebat quae rhetorum artem detrectabant.

Notae

↑ Oratio XI in corpore Isocratico.
↑ Jean Humbert. Polycratès. L'Accusation de Socrate et le Gorgias, Klinksieck, 1930. Recensio critica
↑ Etenim eius mater Libye filia Epaphi erat et neptis Ius dum Hercules ad tertiam decimam generationem post eam pertinebat (cf. Prometheus vinctus).

Editiones et commentarii

Collection des Universités de Franceː Georges Mathieu, Isocrate. Discours I. Les Belles Lettres, 1929. Cum apparatu critico et versione Gallica.
Isocrate, Cinq Discours : Éloge d'Hélène, Busiris, Contre les Sophistes, Sur l'Attelage, Contre Callimachos. Édition, introduction et commentaire de Robert Flacelière (« Érasme »), PUF, 1961 Recensio critica Altera recensio critica

Plura legere si cupis

Thomas G. M. Blank, "Isocrates on paradoxical discourse: An analysis of Helen and Busiris", Rhetorica: A Journal of the History of Rhetoric, 2013ː 1-33
David Alejandro Hernández de la Fuente, "Egipto como Utopía: sobre el Busiris de Isócrates y su posible relación con el pensamiento político de Platón", CFCG, 2013ː 189-205
Annie Hourcade, "Isocrate, la médecine et la philosophie", Ktèma, 2016ː 17-28
Niall Livingstone, A commentary on Isocrates' Busiris, Brill, 2001 Recensio critica
Terry L. Papillon, "Rhetoric, art, and myth : Isocrates and Busiris", in "The Orator in action and theory in Greece and Rome", Brill, 2001 Nonnullae paginae apud Guglum librorum
- "Isocrates and the Use of Myth", Hermathena, 1996ː 9-21
H. D. Verdam ,"Quo ordine Isocratis Busiris adversus sophistas Helena orationes inter se succedant et quid Plato ad eas responderit", Mnemosyne, 1916ː 373-395

Nexus externi

Textus Graecus apud Perseum et apud Vicifontem Idem apud Remacle cum Francogallica interpretatione Item apud Hodoi Elektronikai Item cum interpretatione Hispanica

[1] Oratio XI in corpore Isocratico.

[2] Jean Humbert. Polycratès. L'Accusation de Socrate et le Gorgias, Klinksieck, 1930. Recensio critica

[3] Etenim eius mater Libye filia Epaphi erat et neptis Ius dum Hercules ad tertiam decimam generationem post eam pertinebat (cf. Prometheus vinctus).

[1]

[2]

[3]